خواب میں تیتر دیکھنا

خواب میں تیتر دیکھنے کی تعبیر

حضرت ابن سیرین رحمتہ اللہ تعالیٰ علیہ نے فرمایا ہے کہ تیتر خواب میں خوبصورت عورت ہے مگر بد مہر ہے جو خا وند کے ساتھ موافقت نہیں کرتی ہے ۔ اور اگر دیکھے کہ تیتر پکڑا ہے ۔ یا کسی نے اس کو دیا ہے دلیل ہے کہ اس قسم کی عورت کرے گا اور اگر دیکھے کہ تیتر کا گوشت کھایا ہے ۔ دلیل ہے کہ اسی مقدار پر عورت کا مال لے گا ۔
حضرت جابر مغربی رحمتہ اللہ تعالیٰ علیہ نے فرمایا ہے ۔اگر دیکھے کہ اس کے پاس بہت سے تیتر ہیں اور جانتا ہے کہ اس کی ملک ہیں ۔ دلیل ہے کہ اس قدر عورتیں اور کنیزیں حاصل ہوں گی ۔ اور اگر دیکھے کہ تیتر اس کے ہاتھ سے اڑا ہے ۔دلیل ہے کہ عورت کو طلاق دے گا ۔